Wulki zajim za DZA pola našich pólskich susodow

Do přichoda wusměrjeny: Natwar DZA njezajimuje jenož Łužičanki a Łužičanow, ale pohnuwa tež našich pólskich susodow w Europa-měsće Zhorjelc / Zgorzelec. Na přeprošenje interdisciplinarneho centruma za transformatiwny přetwar města (IZS) diskutowaše załožerski direktor DZA Günther Hasinger z wjesnjanostu Zgorzeleca, Rafałom Grożom, a nawodu IZS Robertom Knippschildom w rjedźe Europoměšćanske rozmołwy k wočakowanym efektam DZA za Zgorzeleca a Euroregion Nysa. Jasne je hižo nětko, zo budźe DZA wuskutki tež na wuwiće města, dźěłowe wiki abo kubłanski sektor w pólskim dźělu města wuwiwać. Zasydlenje DZA ze srědkami Zwjazka a Swobodneho stata Sakskeje so tuž tež w Zgorzelecu wita a jako wulka šansa wobhladuje. Zdobom wobsteja wužadanja demografiskeho wuwića, konkurency wo fachowcow abo wuhotowanja infrastruktury, kotrež mamy zhromadnje rozrisać. DZA profituje při tym hižo dźensa wot swojeho połoženja w němsko-pólsko-čěskim třikrajowym rumje a je sej swojeje zamołwitosće za wuwiće w mjezy překročacym wobłuku wědomy. Diskusija pokaza, zo dawaja mnohostronske wočakowanja na kotryž slědźenski centrum, euroregionalne poćahi dale skrućić. Tak budźe so DZA zhromadnje ze swojimi wědomostnymi a regionalnymi partnerami za wuwiće třikrajoweho ruma k inowatiwnemu europskemu wědomostnemu regionej angažować.